23.6 C
Hyderabad
Saturday, November 28, 2020

టిక్‌టాక్ స‌హా 59 చైనా యాప్స్‌పై నిషేధం

సరిహద్దుల్లో కవ్వింపులకు పాల్పడుతున్న చైనాకు భారత్‌ డిజిటల్‌ షాక్‌ ఇచ్చింది. ఆ దేశానికి చెందిన యాప్‌లపై కొరడా ఝళిపించింది. చైనాకు చెందిన 59 యాప్‌లను నిషేధిస్తున్నట్టు కేంద్రం ప్రకటించింది. దేశంలో అత్యంత ప్రజాదరణ పొందిన టిక్‌టాక్‌, వీచాట్‌, హలో, షేర్‌ఇట్‌, యూసీ బ్రౌజర్‌ కూడా నిషేధిత జాబితాలో ఉన్నాయి. సమాచార సాంకేతికత నిబంధనలు 2009, సమాచార సాంకేతికత చట్టంలోని సెక్షన్‌ 69ఏ కింద ఈ నిర్ణయం తీసుకున్నట్టు వెల్లడించింది. దేశ రక్షణ, భద్రత, సార్వభౌమాధికారం, సమగ్రత దృష్ట్యా ఈ యాప్‌లపై నిషేధం విధించినట్టు వివరించింది. ఆండ్రాయిడ్‌, ఐవోఎస్‌ ప్లాట్‌ఫాంలలోని కొన్ని యాప్స్‌ వినియోగదారుల సమాచారాన్ని దొంగిలిస్తున్నాయి. విదేశాల నుంచి నడుస్తున్న కొన్ని సర్వర్లకు అనధికారికంగా ఆ సమాచారాన్ని రహస్యంగా చేరవేస్తున్నాయని కేంద్రం వెల్లడించింది. వినియోగదారుల సమాచార భద్రత దృష్ట్యా చైనాకు చెందిన 53 యాప్‌లను వెంటనే నిషేధించాలని గతవారం నిఘావర్గాలు కేంద్రానికి విజ్ఞప్తి చేశాయి.

నిషేధానికి గురైన వాటిలో టిక్‌టాక్‌, షేర్‌చాట్‌, క్వాయి, యూసీ బ్రౌజర్‌, బైయిదూ మ్యాప్‌, షెయిన్‌, క్లాష్‌ ఆఫ్‌ కింగ్స్‌, డీయూ బ్యాటరీ సేవర్‌, హలో, లైకీ, యూక్యామ్‌ మేకప్‌, మీ కమ్యూనిటీ, సీఎమ్‌ బ్రౌజర్స్‌, వైరస్‌ క్లీనర్‌, ఏపీయూఎస్‌ బ్రౌజర్‌, రామ్‌వీ, క్లబ్‌ ఫ్యాక్టరీ, న్యూస్‌డాగ్‌, బ్యూటీప్లస్‌, వీచాట్‌, యూసీ న్యూస్‌, క్యూక్యూ మెయిల్‌, వీబో, క్యూక్యూ మ్యూజిక్‌, క్యూక్యూ న్యూస్‌ ఫీడ్‌, బిగో లైవ్‌, సెల్ఫీసిటీ, మెయిల్‌ మాస్టర్‌, ప్యారెలాల్‌ స్పేస్‌, మీ వీడియో కాల్‌, వీ సింక్‌, ఈఎస్‌ ఫైల్‌ ఎక్స్‌ప్లోరర్‌, వైవా వీడియో, మెయితూ, విగో వీడియో, న్యూ వీడియో స్టేటస్‌ డీయూ రికార్డర్‌, వాల్ట్‌ హైడ్‌, క్యాష్‌ క్లీనర్‌, డీయూ క్లీనర్‌, డీయూ బ్రౌజర్‌, హగో ప్లే, క్యామ్‌ స్క్యానర్‌, క్లీన్‌ మాస్టర్‌ (ఛీతా మొబైల్‌), వండర్‌ కెమెరా, ఫొటో వండర్‌, క్యూక్యూ ప్లేయర్‌, వీ మీట్‌, స్వీట్‌ సెల్ఫీ, బైయిదూ ట్రాన్స్‌లేట్‌, వీమేట్‌, క్యూక్యూ  ఇంటర్నేషనల్‌, క్యూక్యూ సెక్యూరిటీ సెంటర్‌, క్యూక్యూ లాంఛర్‌, యూ వీడియో, వీ ఫ్లై స్టేటస్‌ వీడియో, మొబైల్‌ లెజెండ్స్‌, డీయూ ప్రైవసీ యాప్స్‌ ఉన్నాయి.

యాప్స్‌ను నిషేధించటం రెండుమూడు రకాలుగా ఉంటుంది. ప్రభుత్వమే నేరుగా బ్యాన్‌ చేయటం ఒకటి. రెండోది మొబైల్‌ యాప్స్‌ను అందించే గూగుల్‌ ప్లేస్టోర్‌, యాపిల్‌ యాప్‌స్టోర్‌ నుంచి నిషేధించిన యాప్స్‌ను తొలగించాలని ప్రభుత్వం కోరటం. ఇందుకోసం ప్రభుత్వాలు చట్టాల ద్వారా కంపెనీలకు ఆదేశాలివ్వాల్సి ఉంటుంది. మూడోది మొబైల్‌ తయారీ కంపెనీలు, టెలికం ప్రొవైడర్లను నిషేధిత యాప్స్‌ను ఇన్‌బిల్ట్‌గా ఇవ్వరాదని ఆదేశించటం. ప్రస్తుతం ప్రభుత్వం నిషేధించిన యాప్స్‌లో చాలావరకు థర్డ్‌పార్టీ యాప్‌లే ఉన్నాయి. మొత్తంగా ఈ యాప్స్‌ నిషేధంతో చైనా టెక్‌ కంపెనీలకు వేల కోట్ల రూపాయల నష్టం వాటిల్లుతుందని టెలికం నిపుణులు చెప్తున్నారు. 

- Advertisement -

Latest news

Related news

మంత్రి ఎర్రబెల్లి.. ఇంటింటి ప్రచారం

హైదరాబాద్‌ నగరంలో కేవలం టీఆర్ఎస్‌ ప్రభుత్వ హయాంలోనే అభివృద్ధి సాధ్యమయిందని.. పంచాయితీరాజ్‌, గ్రామీణాభివృద్ధి శాఖ మంత్రి ఎర్రబెల్లి దయాకర్‌ రావు అన్నారు. మీర్‌పేట హౌసింగ్‌బోర్డు కాలనీ డివిజన్‌లో ఆయన ఇంటింటికీ...

రూ. 20 లక్షల కోట్ల ప్యాకేజీ ఎవరికి అందింది : మంత్రి కేటీఆర్

మతాన్ని అడ్డుపెట్టుకొని ఓట్లు రాబట్టకునేందుకు బీజేపీ ప్రయత్నిస్తోందని.. మత రాజకీయాలు చేయడం బీజేపీకి వెన్నతో పెట్టిన విద్య అని తెరాస కార్యనిర్వాహక అధ్యక్షుడు, మంత్రి కేటీఆర్ ఆరోపించారు.

చట్టాల రద్దు కోసం.. పట్టుబట్టిన రైతులు

పంజాబ్‌ నుంచి ఢిల్లీలోకి ప్రవేశించేందుకు ఇదే ప్రధాన రహదారి కావడం వల్ల వాహన రాకపోకలు పూర్తిగా నిలిచిపోయాయి. రైతులతో పోలీసులు చర్చలు కొనసాగిస్తున్నా.. రైతులు మాత్రం మెట్టు దిగడం లేదు.

హైదరాబాద్‌ అభివృద్ధికి నిబద్ధతతో పనిచేస్తున్నాం: మంత్రి కేటీఆర్

బేంగంపేటలోని మ్యారిగోల్డ్‌ హోటల్‌లో జరిగిన ‘వైబ్రంట్‌ హైదరాబాద్‌’ కార్యక్రమంలో మంత్రి కేటీఆర్ పాల్గొన్నారు. ఈ సందర్భంగా మాట్లాడుతూ.. ఆరేండ్ల క్రితం హైదరాబాద్‌లో వ్యాపారులకు అనేక అనుమానాలు ఉండేవని చెప్పారు. ఉద్యమపార్టీ...