టాలీవుడ్ యాక్ట‌ర్ దగ్గుబాటి రానా న‌టిస్తోన్న అర‌ణ్య మూవీ రిలీజ్ డేట్ ను ప్రకటించారు. తెలుగు, త‌మిళం, హిందీ భాష‌ల్లో తెరకెక్కుతున్న ఈ చిత్రానికి ప్రభు సాల్మన్ డైరెక్ట్ చేస్తున్నారు. హిందీలో ‘హాథీ మేరా సాథీ’, తమిళంలో ‘కాదన్’ పేరుతో విడుద‌ల‌వుతోంది. మార్చి 26న విడుద‌ల చేస్తున్న‌ట్టు మూవీ మేక‌ర్స్ అధికారికంగా ప్రకటించారు.
‘‘కొత్త సంవ‌త్స‌రానికి స్వాగ‌తం ప‌లుకుతూ అర‌ణ్య‌ను మార్చి 26న మీ ముందుకు తెస్తున్నాం. సినిమా కోసం ఓపిగ్గా ఎదురుచూస్తున్న వారికి, నాకు , మా టీంకు సపోర్టుగా నిలిచి ప్ర‌తీఒక్క‌రికి ధ‌న్య‌వాదాలు.’’ అంటూ రానా ట్వీట్ చేశాడు. ఈ చిత్రంలో రానాతోపాటు జోయా హుస్సేన్, శ్రియ పిలగోన్కర్ , విష్ణు విశాల్ న‌టించారు.
