నేరెడ్‌మెట్ లో‌ విషాదం…

నగరంలోని నేరెడ్‌మెట్‌లో నిన్న సాయంత్రం బాలిక అదృశ్య‌మైన ఘ‌ట‌న విషాదాంతంగా మారింది. సుమేధ‌(12)‌ అనే బాలిక నిన్న సాయత్రం 7 గంటల నుంచి కనిపించకుండా పోయింది. ప్ర‌మాద‌వ‌శాత్తు నాలాలో ప‌డిన పోయిన బాలిక స్థానికంగా ఉన్న బండ‌చెరువులో మృత‌దేహ‌మై తేలింది. బాలిక మ‌ర‌ణ‌వార్త విన్న త‌ల్లిదండ్రులు బోరున విల‌పిస్తున్నారు. సుమేధ మృత‌దేహాన్ని పోస్టుమార్టం నిమిత్తం ఉస్మానియా ఆస్ప‌త్రి మార్చురికీ త‌ర‌లించారు. నిన్న సాయంత్రం ఇంటి నుంచి సైకిల్‌పై బ‌య‌ట‌కు వెళ్లిన బాలిక తిరిగి రాలేదు. దీంతో ఆమె ఆచూకీ కోసం గాలించిన త‌ల్లిదండ్రుల‌కు నిరాశే ఎదురైంది. సైకిల్‌పై నుంచి ప్ర‌మాద‌వ‌శాత్తు నాలాలో ప‌డిపోయి ఉండొచ్చ‌ని పోలీసులు భావిస్తున్నారు.