పాక్‌ నుంచి అక్రమ ఆయుధాలు స‌ర‌ఫ‌రా.. ప‌ట్టుకున్న భార‌త ఆర్మీ

క‌శ్మీర్‌ లో ఉగ్రవాదుల కుట్రను జవాన్లు భగ్నం చేశారు.  కీర‌న్ సెక్టార్‌ లో పాక్‌ ఆర్మీ సాయంతో అక్ర‌మంగా స‌ర‌ఫ‌రా అవుతున్న ఆయుధాల‌ను స్వాధీనం చేసుకున్నారు. నాలుగు ఏకే 47 రైఫిళ్లు, 8 మ్యాగ్జిన్లు, 240 ఏకే రైఫిల్ అమ్యూనిష‌న్‌ ను స్వాధీనం చేసుకున్నారు. కిష‌న్ గంగా న‌ది స‌మీపంలో సైనికులు గాలింపు చర్యలు చేపట్టడంతో .. ఈ కుట్ర బయటపడింది. గంగా న‌దికి అవ‌త‌ల వైపు పీవోకే ప్రాంతంలో ముగ్గురు ఉగ్ర‌వాదులు ఓ ట్యూబ్‌ ను తాడుకు క‌ట్టి ఆయుధాలు సర‌ఫ‌రా చేస్తున్న‌ట్లు గుర్తించారు అధికారులు.