22.6 C
Hyderabad
Sunday, January 17, 2021

రైతులపై దాడులను ఖండించిన నేతలు

‘చలో ఢిల్లీ’ని అడ్డుకున్న హర్యానా పోలీసులపై పంజాబ్‌ రాష్ట్ర ముఖ్యమంత్రి అమరీందర్‌ సింగ్‌ మండిపడ్డారు. శాంతియుతంగా నిరసనలు తెలుపుతున్న రైతులను అడ్డుకోవడం అప్రజాస్వామికమని, రాజ్యంగ విరుద్ధమని ఆగ్రహం వ్యక్తం చేశారు. రైతులపై హర్యానా ప్రభుత్వం చేపట్టిన చర్యలను.. ‘పంజాబ్‌ 26/11’ దాడులుగా శిరోమణి అకాలీదళ్‌ (ఎస్‌ఏడీ) అధ్యక్షుడు సుఖ్‌బీర్‌ సింగ్‌ బాదల్‌ పోల్చారు. నవంబర్‌ 26, 2008లో ముంబైపై ఉగ్రవాదులు చేపట్టిన దాడులను పోలుస్తూ ఆయన ఈ వ్యాఖ్యలు చేశారు. కేంద్ర ప్రభుత్వం రైతులను దేశానికి శత్రువులుగా భావిస్తున్నదని మరో ఎస్‌ఏడీ నేత హర్‌సిమ్రత్‌ కౌర్‌ బాదల్‌ అన్నారు. శాంతియుతంగా ఉద్యమిస్తున్న రైతులను అడ్డుకోవడం తప్పుడు చర్య అని, ఇది రాజ్యాంగ విరుద్ధమని ఢిల్లీ సీఎం అరవింద్‌ కేజ్రీవాల్‌ తెలిపారు.

మోదీ సర్కార్‌ క్రూరమైన విధానాలను వ్యతిరేకిస్తూ రైతులు దృఢంగా నిలబడ్డారని  కాంగ్రెస్‌ మాజీ అధ్యక్షుడు రాహుల్‌ గాంధీ అన్నారు. వ్యవసాయ చట్టాలకు వ్యతిరేకంగా నిరసనల రూపంలో రైతులు చూపెడుతున్న తెగువను ఆయన కొనియాడారు. గడ్డకట్టే చలిలో నిరసనలు తెలుపుతున్న రైతులపై నీటి ఫిరంగులను ప్రయోగించడాన్ని కాంగ్రెస్‌ ప్రధాన కార్యదర్శి ప్రియాంక గాంధీ తప్పుబట్టారు. రైతులపై పోలీసుల దాడులు తనను కలిచివేశాయని మాజీ ప్రధాని, జేడీయూ అధినేత హెచ్‌ డీ దేవెగౌడ పేర్కొన్నారు. రైతులను గౌరవించాలన్న స్పృహ కేంద్ర ప్రభుత్వానికి లేదా అంటూ మండిపడ్డారు.

- Advertisement -

Latest news

Related news

కొవిడ్ వ్యాక్సిన్ బండికి బాజాభజంత్రీలతో స్వాగతం

కరోనా మహమ్మారిని అంతమొందించేందుకు దేశవ్యాప్తంగా వ్యాక్సినేషన్‌ కార్యక్రమం ప్రారంభమైంది. ఈ నేపథ్యంలో భారత ప్రభుత్వం దేశంలోని అన్నీ ప్రాంతాలకు కరోనా వ్యాక్సిన్ పంపిణీ చేసింది. ఇందులో భాగంగానే ఛత్తీస్‌గఢ్‌లోని జష్పూర్‌లో...

మొదటిరోజు వాక్సినేషన్ విజయవంతం

రాష్ట్రంలో వాక్సినేషన్ ప్రక్రియ మొదటిరోజు విజయవంతంగా ముగిసింది. మొత్తం 4296 మంది ఫ్రంట్ లైన్ వర్కర్స్ కి ఈరోజు వాక్సిన్ ఇవ్వాల్సి ఉండగా.. 3962 మంది వాక్సిన్ తీసుకున్నారు. రాష్ట్రవ్యాప్తంగా...

1020వ గుండెను కాపాడిన సూపర్ స్టార్

సాటివారికి సాయం చేయడంలో ముందుండే సూపర్ స్టార్ మహేష్ బాబు సినిమాల్లోనే కాదు.. తాను నిజంగా కూడా శ్రీమంతుడినే అని నిరూపించుకున్న సంఘటనలు బోలెడున్నాయన్న విషయం అందరికీ తెలిసిందే. గత...

తొలి బర్డ్ ఫ్లూ కేసు.. నేషనల్ పార్క్ బంద్

ఢిల్లీలో తొలి బర్డ్ ఫ్లూ కేసు నమోదైంది. నగరంలోని నేషనల్ జువాలాజికల్ పార్క్ లో గత సోమవారం ఓ గుడ్లగూబ మరణించింది. దీని శాంపిల్స్ ను భోపాల్ లోని ఐసీఎఆర్...