59 టాప్ చైనా యాప్‌ల‌పై శాశ్వత నిషేధం!

టిక్‌టాక్‌, ప‌బ్‌జీ, వీచాట్ స‌హా 59 టాప్ చైనా యాప్‌ల‌పై కేంద్ర ఎల‌క్ట్రానిక్స్, ఇన్ఫ‌ర్మేష‌న్ టెక్నాల‌జీ మంత్రిత్వ శాఖ‌ శాశ్వత నిషేధం విధించిన‌ట్లు సమాచారం. డేటా నిబంధనలు పాటించడం లేదని వీటిపై గతేడాది జూన్ లో కేంద్రం నిషేధం విధించింది. భారతీయుల డేటాను  ఈ యాప్ లు దుర్వినియోగం చేస్తున్నాయని ఆరోపణలు రావడంతో ఆయా సంస్థల నుంచి కేంద్రం వివరణ కోరింది. తాజాగా ఆ వివరణలపై సంతృప్తి చెంద‌ని కేంద్రం వాటిపై శాశ్వతంగా నిషేధం విధించినట్లు తెలుస్తోంది. డేటా ప్రైవసీ నిబంధనలను పట్టించుకోని దాదాపు 200 చైనా యాప్ లపై కేంద్రం నిషేధం విధించిన విషయం తెలిసిందే.