20.8 C
Hyderabad
Monday, March 1, 2021

‘కిసాన్ పరేడ్’కు అనుమతిచ్చిన ఢిల్లీ పోలీసులు

కొత్త సాగు చట్టాలకు నిరసనగా జనవరి  26న ఢిల్లీ వీధుల్లో ట్రాక్టర్లతో ‘కిసాన్ గణతంత్ర పరేడ్’ నిర్వహించేందుకు రైతు సంఘాలు సిద్ధమయ్యాయి. కిసాన్ పరేడ్ కు ఢిల్లీ పోలీసులు సూత్రపాయంగా అంగీకరించారని స్వరాజ్ ఇండియాకు చెందిన యోగేంద్ర యాదవ్ చెప్పారు. ఈ మేరకు ఢిల్లీ పోలీసులతో కలిసి ఓ అవగాహనకు వచ్చామన్నారు. ఈ అవగాహన ప్రకారం జనవరి 26న ఢిల్లీలో రైతు సంఘాల ఆధ్వర్యంలో నిర్వహించే కిసాన్ పరేడ్ కు పాల్గొనే ట్రాక్టర్లను ఢిల్లీ వీధుల్లోకి అనుమతిస్తారన్నారు. అయితే, ఢిల్లీలోని ఏ దారుల్లో పరేడ్ నిర్వహించాలనే విషయంపై ఈ రాత్రికి ఓ స్పష్టత వచ్చే అవకాశం ఉందన్నారు.

కొత్త సాగు చట్టాలపై కేంద్రం, రైతు సంఘాల మధ్య నిన్న జరిగిన 11వ విడుత చర్చలు విఫలమైన విషయం తెలిసిందే. ఈ నేపథ్యంలో జనవరి 26న కిసాన్ గణతంత్ర పరేడ్ నిర్వహించేందుకు రైతు సంఘాలు సమాయత్తమవుతున్నాయి. రైతుల పరేడ్ అంశం పోలీసుల పరిధిలోనిదని సుప్రీంకోర్టు, కేంద్రం అభిప్రాయపడిన నేపథ్యంలో శనివారం రైతు సంఘాల నేతలు ఢిల్లీ పోలీసుల కలిసి అనుమతి కోరారు.

- Advertisement -

Latest news

Related news