దుర్గమ్మను దర్శించుకున్న హిమాచల్ ప్రదేశ్ గవర్నర్ దత్తాత్రేయ

హిమాచల్ ప్రదేశ్ గవర్నర్ దత్తాత్రేయ ఇవాళ విజయవాడ కనకదుర్గమ్మ ఆలయాన్ని సందర్శించారు. ఏపీ మంత్రి వెల్లంపల్లి శ్రీనివాస్, అధికారులు ఆయనకు ఆలయ మర్యాదలతో స్వాగతం పలికారు. అమ్మవారి దర్శనం అనంతరం పండితుల వేద ఆశీర్వచనలు అందించారు. ఈ సందర్భంగా దత్తాత్రేయ మాట్లాడుతూ.. కరోన నుంచి యావత్ ప్రపంచాన్ని రక్షించాలని దుర్గమ్మను కోరుకున్నట్లు చెప్పారు. కోవిడ్ వ్యాక్సిన్ ను తెలుగు వారు కనుగొనటం గర్వించదగ్గ విషయమన్నారు. వివేకానంద స్పూర్తితో యువత ముందడుగు వేయాలన్నారు. తెలుగు ప్రజలకు సంక్రాంతి శుభాకాంక్షలు తెలియజేశారు.