20.4 C
Hyderabad
Sunday, January 24, 2021

కోల్ కతా యువ బౌలర్ల దెబ్బకు రాజస్థాన్ విలవిల

వరుస విజయాలతో దూసుకెళ్తోన్న రాజస్థాన్‌ రాయల్స్‌ జోరుకు కోల్‌కతా నైట్‌ రైడర్స్‌ అడ్డుకట్ట వేసింది. బ్యాటింగ్‌లో సమష్టిగా రాణించి పోరాడే స్కోరును బోర్డుపై ఉంచిన కేకేఆర్‌.. ఆపై బౌలింగ్‌లో ఇరగదీసింది. బ్యాటింగ్‌ లైనప్‌లో పటిష్టంగా ఉన్న రాజస్తాన్‌ను 137 పరుగులకే కట్టడి చేసి మరో విజయాన్ని ఖాతాలో వేసుకుంది. కోల్‌కతా నిర్దేశించిన 175 పరుగుల లక్ష్యంతో బరిలో దిగిన రాజస్థాన్‌ 20ఓవర్లలో 9 వికెట్లకు 137 పరుగులు చేసింది. బ్యాటింగ్‌ వైఫల్యంతో స్టీవ్‌ స్మిత్‌ సేన ఘోర పరాజయాన్ని ఎదుర్కొన్నది. 

టాస్ ఓడి బ్యాటింగ్‌ చేసిన కోల్‌కతా నిర్ణీత 20 ఓవర్లలో 6 వికెట్లకు 174 పరుగులు చేసింది. యువ ఓపెనర్‌ శుభ్‌ మన్‌ గిల్‌ 47 పరుగులు చేసి ఆరంభంలో రాణించగా ఆఖర్లో ఇయాన్‌ మోర్గాన్‌ 34 పరుగులతో విజృంభించి జట్టుకు పోరాడే స్కోరు అందించారు. స్టార్‌ ఆల్‌ రౌండర్‌ జోఫ్రా ఆర్చర్‌ రెండు వికెట్లు పడకొట్టి.. అత్యద్భుత ఫామ్‌ను కొనసాగిస్తూ కోల్‌కతా బ్యాట్స్‌ మెన్‌ను కట్టడి చేశాడు. 

లక్ష్య ఛేదనలో బరిలో దిగిన రాజస్థాన్‌కు ఆరంభం నుంచి వికెట్లు కోల్పోయింది. కోల్‌కతా పేసర్లు పదునైన బంతులతో టాపార్డర్‌ను కుప్పకూల్చారు. ఓపెనర్‌ స్టీవ్‌ స్మిత్‌ 3 పరుగులకే ప్యాట్‌ కమిన్స్‌ బౌలింగ్‌లో ఔటయ్యాడు. కేకేఆర్‌ కీపర్‌ దినేశ్‌ కార్తీక్‌ అద్భుతమైన క్యాచ్‌తో స్మిత్‌ పెవిలియన్‌కు చేరాడు. అనంతరం సంజూ శాంసన్‌ 8 పరుగులు చేసి నిరాశపరిచాడు. ఆపై జోస్‌ బట్టర్‌21, రాబిన్‌ ఊతప్ప2లు స్వల్ప వ్యవధిలో ఔట్‌ కావడంతో రాజస్తాన్‌ కష్టాల్లో పడింది. రాజస్తాన్‌ 66 పరుగులకే ఆరు వికెట్లు కోల్పోవడంతో తేరుకోలేకపోయింది. కాగా, టామ్‌ కరాన్‌ చివరి వరకూ క్రీజ్‌లో ఉండి మెరుపులు మెరిపించినా ఎనిమిది మంది సింగిల్‌ డిజిట్‌ కే పరిమితం కావడంతో ఘోర ఓటమి తప్పలేదు.  

- Advertisement -

Latest news

Related news

తమిళ చరిత్ర మోదీకి అర్థం కాదు.. రాహుల్

భార‌త్‌లో ఒకే భాష‌, ఒకే సంస్కృతి, ఒకే ఐడియా ఉండాల‌ని ప్ర‌ధాని నరేంద్ర మోదీ న‌మ్ముతార‌ని రాహుల్ గాంధీ విమర్శించారు. యావ‌త్ దేశం ఒకే ఒక వ్య‌క్తిని పూజించాల‌ని ప్ర‌ధాని...

త్వరలోనే కొత్త ఐటీ పాలసీ.. కేటీఆర్

తెలంగాణ ఐటీ పాలసీ అద్భుతమైన ఫలితాలు అందించిందని, త్వరలోనే కొత్త ఐటీ పాలసీ తీసుకురానున్నట్లు రాష్ట్ర ఐటీ, పరిశ్రమలశాఖ మంత్రి కేటీఆర్‌ చెప్పారు. తెలంగాణ ఐటీ పాలసీకి త్వరలో...

స్టేజీపైనే కుప్పకూలిన ప్రదీప్ డైరెక్టర్

యాంకర్ ప్రదీప్ హీరోగా నటించిన ‘30 రోజుల్లో ప్రేమించడం ఎలా’ సినిమాకు మున్నా దర్శకత్వం వహించారు. జనవరి 29న సినిమా విడుదల కానున్న నేపథ్యంలో సినిమా యూనిట్ ప్రెస్ మీట్...

తెలంగాణలో పెరిగిన సాగు విస్తీర్ణం.. సీఎం కేసీఆర్

తెలంగాణలో సాగు విస్తీర్ణం భారీగా పెరిగిందని సీఎం కేసీఆర్ అన్నారు. సాగునీటి ప్రాజెక్టుల నిర్మాణంతోనే ఇది సాధ్యమైందన్నారు. రాష్ట్రం ఏర్పడినప్పుడు 30 లక్షల ఎకరాల్లో మాత్రమే వరి సాగయ్యేదని, ఇప్పుడు...