18.8 C
Hyderabad
Saturday, January 16, 2021

వన్డే ఫార్మాట్ ఎలా ప్రారంభమైందో తెలుసా..?

కోట్లాది మంది మనసులు గెలిచిన క్రికెట్‌ వన్డే ఫార్మాట్ ఎలా ప్రారంభమై జనవరి 5తో 50 ఏండ్లు పూర్తి చేసుకుంది. అసలు వన్డే ఫార్మాట్ ప్రారంభమే అనుహ్యంగా ప్రారంభమైంది.  టెస్టులకు పరిమితమై గంటల కొద్ది క్రీజుల్లో పాతుకుపోయేందుకు అలవాటు పడ్డ క్రికెటర్లు పరిమిత ఓవర్ల ఆటకు అలవాటు పడేందుకు చాలా సమయం పట్టింది. కానీ ప్రేక్షకులు మాత్రం పరిమిత ఓవర్ల ఆటకు బ్రహ్మరథం పట్టడంతో వన్డే ఫార్మాట్ జనరంజకంగా మారింది.

50 ఏండ్ల క్రితం..

క్రికెట్లో వన్డే ఫార్మాట్‌ ప్లాన్‌ చేసి అమలు చేసింది కాదు. 50 ఏండ్ల క్రితం అంటే జనవరి 5, 1971న ఇంగ్లండ్‌ – ఆస్ట్రేలియా మధ్య వర్షం వల్ల టెస్టు రద్దయిన పరిస్థితుల్లో వచ్చిన ఆలోచన ఫలితం. యాషెస్‌ సిరీస్‌లో భాగంగా 1970 డిసెంబర్‌ 31 నుంచి 1971 జనవరి 4 వరకు.. మెల్‌బోర్న్‌ వేదికగా మూడో టెస్టు జరగాల్సి ఉంది. అయితే వర్షం వల్ల తొలి మూడు రోజుల ఆట తుడిచిపెట్టుకుపోయింది. ఒకవేళ ఈ టెస్టు పూర్తిగా రద్దయితే భారీ నష్టం తప్పదని భావించిన క్రికెట్‌ ఆస్ట్రేలియా.. అదనపు టెస్టు కోసం ఇంగ్లండ్‌ను కోరింది. అప్పటికే వాతావరణం మెరుగుపడినా.. రెండు రోజుల ఆటతో అభిమానులు నిరాశ పడతారని బోర్డులు భావించాయి. దీంతో ఒకో జట్టుకు 40 ఓవర్లు.. ప్రతి ఓవర్లో 8 బంతులు కేటాయించి.. ఎక్కువ పరుగులు చేసిన టీమ్‌ను విజేతగా ప్రకటించాలన్న నిర్ణయానికి వచ్చాయి. ఆ ఆలోచనతోనే వన్డే క్రికెట్‌ ప్రారంభమైంది.

ఆస్ట్రేలియాదే తొలి వన్డే

ఇలా తొలిసారి నిర్వహించిన పరిమిత ఓవర్లు(వన్డే) మ్యాచ్ కు 20 వేల మంది ప్రేక్షకులు హాజరువుతారని భావిస్తే ఏకంగా 46 వేల మంది వచ్చారు. ఆ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ 39.4 ఓవర్లలో 190 పరుగులకు ఆలౌటైంది. జాన్‌ ఎడ్రిచ్‌ 82 పరుగులు చేశాడు. ఆ తర్వాత బ్యాటింగ్ చేసిన ఆస్ట్రేలియా.. 34.6 ఓవర్లలోనే లక్ష్యాన్ని ఛేదించి విజయం సాధించింది. ఇయాన్‌ చాపెల్‌ 60, డగ్‌ వాల్టెర్స్‌ 41 పరుగులతో రాణించారు. మొదటిసారిగా దాదాపు 50 వేల మంది ప్రేక్షకుల ఎదుట తొలి అంతర్జాతీయ వన్డే మ్యాచ్ లో ఆస్ట్రేలియ గెలిచి చరిత్ర సృష్టించింది. ఇలా అనుకోకుండా మొదలైన వన్డే ఫార్మాట్‌.. ఐదు దశాబ్దాలుగా ప్రజలను ఆకట్టుకుంటోంది. 

- Advertisement -

Latest news

Related news

రిస్క్ చేయొద్దు..

భారత్‌ ఓపికకు పరీక్ష పెట్టి రిస్క్ చేయొద్దని ఆర్మీ చీఫ్‌ జనరల్‌ ఎంఎం నరవణె శత్రు దేశాలను హెచ్చరించారు. నార్త్ బోర్డర్ లో జరుగుతున్న కుట్రను సమర్ధవంతంగా తిప్పికొట్టామని అన్నారు....

వాట్సాప్ వెబ్ వాడితే అంతే..

వాట్సాప్ ప్రైవసీ పాలసీ ఇష్యూలో ఇంకా క్లారిటీ రాకముందే మరో కలకలం రేగింది. గూగుల్ సెర్చ్‌లో వాట్సాప్ వెబ్ యూజర్ల పర్సనల్ నంబర్లు కనపిస్తున్నాయి. ఈ విషయాన్ని ఇండిపెండెంట్ సైబర్...

టీకా ఎవరికి వద్దంటే…

ఈ రోజు నుంచి దేశవ్యాప్తంగా కొవిడ్‌ వ్యాక్సిన్ ప్రోగ్రామ్ మొదలుకానుంది. అయితే వ్యాక్సిన్‌కు సంబంధించి ఎలాంటి జాగ్రత్తలు తీసుకోవాలో కేంద్ర ఆరోగ్య శాఖ అన్ని రాష్ట్రాలకు, కేంద్ర పాలిత...

స‌మ్మర్ స్పెష‌ల్‌గా రానున్న నార‌ప్ప ‌

శ్రీకాంత్ అడ్డాల దర్శకత్వంలో తెరకెక్కుతున్ననారప్ప సినిమా సమ్మర్ లో తెలుగు ప్రేక్షకులకు స్పెషల్ ట్రీట్ ఇవ్వనున్నది. వెరైటీ పాత్రలు ఎంచుకొని.. ప్రయోగాలు చేయడంలో ముందుండే విక్టరీ వెంకటేశ్, ప్రియమణిలు జోడీగా...