28.6 C
Hyderabad
Wednesday, July 8, 2020

కరోనా సంక్షోభం ఉన్నా రైతుబంధు డబ్బులు ఇస్తాం..

కరోనా, లాక్ డౌన్ నేపథ్యంలో ఆర్థిక సంక్షోభం ఉన్నా… రైతులు ఇబ్బంది పడవద్దనే ఉద్దేశ్యంతో  రైతులందరికీ వెంటనే రైతుబంధు డబ్బులు ఇవ్వాలని నిర్ణయించామన్నారు సీఎం కేసీఆర్. ఏ ఒక్క రైతునూ మినహాయించకుండా అందరికీ రైతుబంధు డబ్బులు వచ్చేలా చూడాలని జిల్లా కలెక్టర్లను ఆదేశించారు. ఎవరికి రైతుబంధు సాయం రాకున్న వారి వివరాలు తీసుకుని డబ్బు అందేలా చూడాలని చెప్పారు.

వర్షాకాలంలో నియంత్రిత పద్ధతిలో పంట సాగు చేయాలని ప్రభుత్వం పిలుపునిస్తే… రైతులు సంపూర్ణంగా పాటించారన్నారు సీఎం కేసీఆర్.  చెప్పిన ప్రకారం రైతులు  పంటలు సాగు చేస్తున్నారన్నారు. వ్యవసాయాన్ని లాభసాటిగా మార్చేందుకు ప్రభుత్వం చేస్తున్న కృషికి… ప్రయత్నానికి రైతుల నుంచి మద్దతు లభించిని అభిప్రాయపడ్డారు. యాసంగిలో కూడా ఏ పంటలు వేయాలనే విషయంలో ప్రణాళిక రూపొందించి, అందుకు అనుగుణంగా సాగు చేయించాలని కలెక్టర్లు , అధికారులకు సూచించారు.

తెలంగాణ రాష్ట్రం దేశంలోనే అద్భుత వ్యవసాయ రాష్ట్రంగా రూపాంతరం చెందుతున్నదన్నారు సీఎం కేసీఆర్. ఈ  సమయంలో రైతులకు మరింత చేదోడు వాదోడుగా ఉండాలన్నారు. రైతులకు అవసరమైన అవగాహన కల్పించడానికి, రైతులు పరస్పరం చర్చించుకోవడానికి వీలుగా క్లస్టర్ల వారీగా రైతు వేదికలు నిర్మించాలని నిర్ణయించినట్లు చెప్పారు. ఈ వేదికల నిర్మాణం నాలుగు నెలల్లో పూర్తి కావాలని తెలిపారు.

నకిలీ, కల్తీ విత్తనాల విషయంలో అధికారులు అప్రమత్తంగా ఉండాలని సీఎం ఆదేశించారు. పోలీసుల సహకారంతో నకిలీ విత్తన వ్యాపారం చేసే వారిని పట్టుకోవాలన్నారు. వారిపై  పిడి యాక్టు నమోదు చేయాలని ఆదేశించారు. నకిలీ విత్తనాల వల్ల రైతులు ఆర్థికంగా నష్టపోతున్నారన్న సీఎం…విలువైన పంటకాలం పాడవుతుందన్నారు. దీంతో తీవ్ర ఇబ్బందులకు గురై రైతు ఆత్మహత్య చేసుకుంటున్నాడన్నారు. నకిలీ విత్తన వ్యాపారులు రైతు హంతకులన్న సీఎం…. వారిపట్ల అత్యంత కఠినంగా వ్యవహరించాలని స్పష్టంచేశారు. తెలంగాణలో ఎట్టి పరిస్థితుల్లో నకిలీ, కల్తీ విత్తనాల దందా ఆగిపోవాలని… రైతుబంధు సమితులు నకిలీ విత్తనాలను అమ్మే వారిని పట్టుకునే విషయంలో చురుగ్గా వ్యవహరించాలని సూచించారు.  నకిలీ, కల్తీ విత్తనాలు అమ్మే సమాచారం ఇచ్చిన వారికి 5వేల నగదు ప్రోత్సాహం ఇవ్వాలని కూడా సమావేశంలో నిర్ణయించారు. వారి పేర్లు గోప్యంగా ఉంచాలని అధికారులను ఆదేశించారు.

రాష్ట్రంలో సాగునీటి వసతి పెరగడంతో పాటు…. ప్రభుత్వం తీసుకుంటున్న చర్యలు, మంచి వర్షాల కారణంగా పంటల దిగుబడి పెరుగుతున్నదన్నారు సీఎం కేసీఆర్. దేశ వ్యాప్తంగా ఎఫ్.సి.ఐ. సేకరించిన ధాన్యంలో తెలంగాణ రాష్ట్రం నుంచే  55 శాతం ఉందన్నారు. ఇది మన రైతాంగానికి గర్వకారణమని… వ్యవసాయంలో సాధించిన ప్రగతికి సంకేతమని సీఎం అభిప్రాయపడ్డారు.  వ్యవసాయ ఉత్పత్తులు పెరగడంతో పాటు కనెక్టెడ్ యాక్టివిటీ జరగాలని…  పండిన ధాన్యమంతా బియ్యంగా మారేందుకు అవసరమైన మిల్లింగ్ సామర్థ్యం పెరగాలని సీఎం తెలిపారు.  అలాగే పప్పులు, నూనెలు, పిండి తయారీకోసం ఫుడ్ ప్రాసెసింగ్ యూనిట్లు కావాలన్నారు.  ఇందుకోసం రాష్ట్ర వ్యాప్తంగా ఫుడ్ ప్రాసెసింగ్ సెజ్ లు నెలకొల్పాలని ప్రభుత్వం నిర్ణయించించినట్లు తెలిపారు.  ఈ సెజ్ లకు కనీసం 500 మీటర్ల దూరం వరకు నివాస గృహాల నిర్మాణం కోసం లే అవుట్లకు అనుమతి ఇవ్వవద్దని అధికారులను ఆదేశించారు.

- Advertisement -

Latest news

వరుసగా ఆరో రోజు..అదే జోరు

వరుసగా ఆరో రోజు స్టాక్‌ మార్కెట్లు లాభాల్లో కొనసాగుతున్నాయి. సెన్సెక్స్‌ 86 పాయింట్ల లాభంతో 36వేల 743 వద్ద కొనసాగుతుండగా.. నిఫ్టీ 22 పాయింట్లు...

Related news

వరుసగా ఆరో రోజు..అదే జోరు

వరుసగా ఆరో రోజు స్టాక్‌ మార్కెట్లు లాభాల్లో కొనసాగుతున్నాయి. సెన్సెక్స్‌ 86 పాయింట్ల లాభంతో 36వేల 743 వద్ద కొనసాగుతుండగా.. నిఫ్టీ 22 పాయింట్లు...

కరోనా మరణాల సంఖ్య తగ్గించడంపై కేజ్రీవాల్‌ సర్కార్‌ ఫోకస్‌

రోజురోజుకు పెరుగుతున్న కరోనా కేసులు, మరణాలు దేశ రాజధాని ఢిల్లీని వణికిస్తున్నాయి. దీంతో కరోనా మృతుల సంఖ్యను తగ్గించడంపై కేజ్రీవాల్‌ ప్రభుత్వం దృష్టి పెట్టింది. గడిచిన రెండు వారాల్లో చనిపోయిన...

ఉత్తరప్రదేశ్‌ లో పెరుగుతున్న కరోనా కేసులు

ఉత్తర ప్రదేశ్‌ లో కరోనా తీవ్రత అంతకంతకు పెరగుతోంది. గడిచిన 24గంటల్లో రికార్డు స్థాయిలో 1346కొత్తకేసులు వెలుగులోకి వచ్చాయి.నిన్నటికి నిన్న 18మంది మృతి చెందగా మరణాల సంఖ్య 827కు చేరింది....

హిమాచల్‌ ప్రదేశ్‌ లో వికాస్‌ దూబే అనుచరుడి ఎన్‌ కౌంటర్‌

కాన్పూర్ గ్యాంగస్టర్ వికాస్ దూబే అనుచరుడు పోలీసులు ఎన్‌కౌంటర్ చేశారు. హిమాచల్ ప్రదేశ్ లోని హమీర్ పూర్ లో అమర్ దూబేను గుర్తించిన స్థానికులు పోలీసులకు సమాచారం అందించారు. దీంతో...