24.8 C
Hyderabad
Thursday, October 22, 2020

గోల్టెన్ ఎడ్యుకేషన్ ఫెయిర్ ను ప్రారంభించిన మంత్రి సబితా ఇంద్రరెడ్డి

టీ-న్యూస్‌, అపెక్స్‌ ఎడ్యుకేషన్ సర్వీస్‌ సంయుక్తంగా నిర్వహిస్తున్న గోల్డెన్ ఎడ్యుకేషన్ ఫెయిర్‌ ప్రారంభోత్సవం ఘనంగా జరిగింది. హైదరాబాద్‌ అమీర్‌ పేట్‌ లోని కమ్మ సంఘం భవనంలో నిర్వహిస్తున్న ఫెయిర్‌ ను మంత్రి సబితా ఇంద్రారెడ్డి రిబ్బన్‌ కట్‌ చేసి ప్రారంభించారు. ఇవాళ్టి నుంచి ఆదివారం వరకు మూడు రోజుల పాటు ఈ ఫెయిర్‌ను నిర్వహించనున్నారు. ఉదయం పది గంటల నుంచి సాయంత్రం 6 గంటల వరకు కొనసాగనున్న ఈ ఫెయిర్‌లో వేలాది మంది విద్యార్థులు పాల్గొని తమతమ సందేహాలను నివృత్తి చేసుకుంటున్నారు. ప్రారంభోత్సవ కార్యక్రమంలో జూబ్లీ హిల్స్‌ ఎమ్మెల్యే మాగంటి గోపినాథ్‌, టీన్యూస్‌ ఎగ్జిక్యూటివ్‌ ఎడిటర్‌ సురేశ్‌ బాబు, సీజీఎం ఉపేందర్‌ పాల్గొన్నారు.

విద్యారంగంపై సీఎం కేసీఆర్‌ ప్రత్యేక దృష్టి పెట్టారని మంత్రి సబితా ఇంద్రారెడ్డి చెప్పారు. స్వరాష్ట్రంలో ఇంజినీరింగ్‌ కాలేజీలు నాణ్యమైన విద్యను అందిస్తున్నాయన్నారు. అందుకే తెలంగాణలో ఇంజనీరింగ్‌ చదివేందుకు ఇతర రాష్ట్రాల విద్యార్థులు అమిత ఆసక్తి కనబరుస్తున్నారన్నారు. ప్రత్యేక రాష్ట్ర సాధనలో ఉద్యమ గొంతుకాగా నిలిచిన టీన్యూస్‌.. ఇప్పుడు విద్యార్థుల భవిష్యత్‌ కు బంగారు బాటలు వేస్తోందని ప్రశంసించారు. ఇన్నేండ్లుగా ఎడ్యుకేషన్‌ ఫెయిర్‌ నిర్వహించడం ఎంతో గొప్ప విషయమని మెచ్చుకున్నారు. ఎడ్యుకేషన్‌ ఫెయిర్‌ తో విద్యార్థులు, వారి తల్లిదండ్రులకు.. సంపూర్ణమైన అవగాహన వస్తదని ఎమ్మెల్యే గోపినాథ్‌ తెలిపారు.

వందకు పైగా కళాశాలల యాజమాన్యాలు ఈ ఫెయిర్‌లో స్టాల్స్‌ ను ఏర్పాటు చేశాయి. వారివారి కళాశాలల్లో అందిస్తున్న కోర్సులు, ఫ్యాకల్టీ, ప్లేస్‌మెంట్‌కు సంబంధించిన పూర్తి వివరాలను విద్యార్థులకు అందిస్తున్నారు. ఆయా రంగాల్లో నిష్ణాతులైన నిపుణులు, విద్యావంతులు, ప్రొఫెసర్లు ఈ వేదిక ద్వారా సెమినార్‌లు, వర్క్‌ షాపులు నిర్వహించి విద్యార్థులు, తల్లిదండ్రుల సందేహాలన్నింటిని నివృత్తి చేస్తున్నారు. మాక్‌ వెబ్‌ కౌన్సిలింగ్‌ కూడా నిర్వహిస్తున్నారు. వెబ్‌ ఆప్షన్స్‌ సమయంలో తీసుకోవాల్సిన మెలుకువలను తెలియజేసి.. విద్యార్థి బంగారు భవిష్యత్తుకు బాటలు వేస్తున్నారు.

కరోనా మార్గదర్శకాలకు అనుగుణంగా గోల్డెన్‌ ఎడ్యుకేషన్‌ ఫెయిర్‌ ను నిర్వహిస్తున్నారు. ప్రతి రెండుగంటలకు ఒకసారి ఫెయిర్‌ నిర్వహిస్తున్న ప్రాంగణం అంతా శానిటైజేషన్‌ చేస్తున్నారు. టెంపరేచర్‌ చెక్‌ చేసిన తర్వాతే లోనికి అనుమతిస్తున్నారు.

ఫెయిర్‌ ప్రాంగణంలో ప్రతీ ఒక్కరూ మాస్కులు ధరించి, భౌతిక దూరం పాటించేలా ఏర్పాట్లు చేశారు. పకడ్బందీ చర్యలు తీసుకోవడంతో విద్యార్థులు, వారి తల్లిదండ్రులు ఎలాంటి భయం లేకుండా ఫెయిర్‌లో పాల్గొంటున్నారు.

- Advertisement -

Latest news

Related news

రాజ‌శేఖ‌ర్ త్వ‌ర‌గా కోలుకోవాలి…చిరు ట్వీట్

క‌రోనాతో ప్రైవేట్ ఆసుప‌త్రిలో చికిత్స పొందుతున్న రాజ‌శేఖ‌ర్‌కు సంబంధించి తాజాగా హెల్త్ బులిటెన్ విడుద‌లైంది.  రాజ‌శేఖ‌ర్  ఆరోగ్యం నిల‌క‌డ‌గానే  ఉంద‌ని, చికిత్స‌కు స్పందిస్తున్నార‌ని వైద్యులు తెలిపారు. అలానే త‌న తండ్రి...

సూర్యప్రభ వాహనంపై భక్తులకు దర్శనమిచ్చిన మలయప్ప స్వామి

తిరుమలలో శ్రీవారి నవరాత్రి బ్రహ్మోత్సవాలు వైభవంగా జరుగుతున్నాయి. ఉత్సవాల్లో భాగంగా.. ఏడవరోజు మలయప్ప స్వామి సూర్యప్రభ వాహనంపై భక్తులకు దర్శనమిచ్చారు. సప్త ఆశ్వాలను కలిగిన సూర్యప్రభపై శ్రీనివాసుడు వజ్రకవచం ధరించి...

బీహార్‌ లో బీజేపీ ఎన్నికల మేనిఫెస్టో రిలీజ్‌

బీహార్ లో పోలింగ్‌ దగ్గర పడుతున్న వేళ బీజేపీ ఎన్నికల మేనిఫెస్టోను రిలీజ్‌ చేసింది. పాట్నాలో మేనిఫెస్టోను విడుదల చేసిన కేంద్ర మంత్రి నిర్మ‌లా సీతారామ‌న్ ..ప్ర‌జ‌ల‌కు సుప‌రిపాల‌న అందించ‌డమే...

బ్రెజిల్‌ లో కోవిడ్‌ వ్యాక్సిన్‌ వికటించి వలంటీర్‌ మృతి

కొవిడ్‌ వ్యాక్సిన్‌ క్లినికల్‌ పరీక్షల్లో అపశ్రుతి చోటుచేసుకుంది. ఆస్ట్రాజెనెకా, ఆక్స్‌ఫర్డ్‌ యూనివర్సిటీ సంయుక్తంగా అభివృద్ధి చేస్తున్న కొవిడ్‌ వ్యాక్సిన్‌ వికటించి బ్రెజిల్‌ లో ఓ వలంటీరు మృతి చెందాడు. ఈ...