26.4 C
Hyderabad
Monday, October 26, 2020

తొలికాత వచ్చేసింది

  • నేడు యాపిల్‌ పండ్లు కోయనున్న కేంద్రె బాలాజీ
  • రేపు సీఎంకేసీఆర్‌కు అందించనున్న ధనోరా రైతు

కెరమెరి : కుమ్రం భీం ఆసిఫాబాద్‌ జిల్లా కెరమెరి మండలం ధనోర గ్రామానికి చెందిన కేంద్రే బాలాజీ పండించిన ఆపిల్‌ పంట తొలికాత చేతికందింది. ఉష్ణ మండల ప్రాంతమైన తెలంగాణలో ఆపిల్‌ పండటం చాలా అరుదు. బాలాజీ ప్రయోగాత్మకంగా ఆపిల్‌పంట సాగుచేశాడు. ప్రస్తుతం ఒక్కో చెట్టుకు 20 నుంచి 40 కాయల వరకు ఉన్నాయి. ఒక్కొక్కటీ 200 నుంచి 250 గ్రాముల బరువు పెరిగాయి. ఇందులో ఏడెనిమిది కిలోల పంట మాత్రమే వచ్చింది. మిగతావి కాయల దశలో ఉన్నాయి. కాగా, ఈ నెల 3న ‘నమస్తే తెలంగాణ’ ప్రధాన సంచికలో ‘తెలంగాణ యాపిల్‌ పండింది’ కథనాన్ని ప్రచురించింది. 

ఈ కథనాన్ని చదివిన ఉద్యానవనశాఖ కమిషనర్‌ వెంకట్రాంరెడ్డి కేంద్రె బాలాజీతో ఫోన్‌లో మాట్లాడి పండ్లు చేతికొచ్చాక ముఖ్యమంత్రి కేసీఆర్‌ను కల్పిస్తానని హామీ ఇచ్చిన విషయం విదితమే. కేంద్రె బాలాజీ నాటిన 400 మొక్కల్లో ఏడెనిమిది కిలోల పండ్లు చేతికందనున్నాయి. ఇందులో సోమవారం ఓ ఐదు కిలోల పండ్లు కోయనున్నట్లు తెలిపాడు. తొలిసారి కాసిన యాపిల్‌ పండ్లను మంగళవారం హైదరాబాద్‌లో ముఖ్యమంత్రి కే చంద్రశేఖర్‌రావును కలిసి అందించనున్నట్లు బాలాజీ తెలిపాడు. యాపిల్‌ పండ్లతో పాటు ఓ మొక్కను కూడా ముఖ్యమంత్రికి బహూకరించనున్నట్లు బాలాజీ పేర్కొన్నారు. కాగా, ఎప్పుడెప్పుడా అని ఎదురు చూసిన తెలంగాణ యాపిల్‌ పండ్లు మరికొద్ది రోజుల్లోనే మార్కెట్లోకి వచ్చే అవకాశమున్నది.

- Advertisement -

Latest news

Related news

జియాగూడలో డబుల్ బెడ్రూమ్ ఇండ్లను ప్రారంభించిన మంత్రి కేటీఆర్

హైదరాబాద్ జియాగూడలోని పేదలకు ప్రభుత్వం దసరా కానుక అందజేసింది. అంబేద్కర్ నగర్ లో ప్రభుత్వం నిర్మించిన డబుల్ బెడ్ రూం ఇండ్లను మంత్రి కేటీఆర్ ప్రారంభించారు. 840 రెండు పడక...

దేశంలో 79లక్షలు దాటిన కరోనా కేసులు

భారత్ లో కరోనా తీవ్రత తగ్గుతుందని తెలిపింది కేంద్ర ఆరోగ్యశాఖ. దేశవ్యాప్తంగా బాధితుల సంఖ్య 79లక్షలకు చేరువైంది. గత 24గంటల్లో 45వేల 149కొత్త కేసులు నమోదు అయితే.. మొత్తం కేసుల...

పాకిస్థాన్‌లో భూకంపం

పాకిస్థాన్‌లో ఇవాళ‌ తెల్లవారుజామున భూకంపం సంభవించింది. దీనితీవ్ర‌త రిక్టర్ స్కేలుపై 4.8గా నమోదైందని నేషనల్ సెంటర్ ఫర్ సీస్మాలజీ ప్ర‌క‌టించింది. ఈరోజు ఉద‌యం 4.14 గంటలకు భూకంపం సంభవించింద‌ని, భూ...