29.8 C
Hyderabad
Tuesday, January 26, 2021

బావిలో మృతదేహాల కేసులో పురోగతి

వరంగల్‌ రూరల్‌ : గీసుకొండ మండలం గొర్రెకుంటలోని బార్‌దాన్‌ గోడౌన్‌ ఆవరణ ఉన్న బావిలో మొత్తం 9 మృతదేహాలు లభ్యమైన విషయం విదితమే. ఈ కేసులో పురోగతి లభించింది. ఎండీ మక్సూద్‌ కాల్‌డేటా కీలకంగా మారింది. ఆయన కాల్‌డేటా ఆధారంగా ఇద్దరు బీహారీ యువకులను పోలీసులు అదుపులోకి తీసుకున్నారు. సంజయ్‌కుమార్‌ యాదవ్‌, మోహన్‌లను ఘటనాస్థలికి తరలించి పోలీసులు విచారిస్తున్నారు. ఈ ఘటనకు ముందు సాయంత్రం 6 గంటల సమయంలో బీహార్‌ యువకులతో మక్సూద్‌ మాట్లాడినట్లు తేలింది. బీహారీ యువకుల వాంగ్మూలం కేసులో కీలకంగా మారనుంది. 

పశ్చిమ బెంగాల్‌కు చెందిన ఎండీ మక్సూద్‌ కుటుంబం 20 ఏళ్ల క్రితం వరంగల్‌కు వలసొచ్చింది. అయితే బార్‌దాన్‌లోని గోనే సంచుల గోడౌన్‌లో మక్సూద్‌ కుటుంబం పని చేస్తోంది. బావిలో లభ్యమైన మృతదేహాలను మక్సూద్‌(50), ఆయన భార్య నిషా(45), కుమారులు షాబాద్‌(22), సోహైల్‌(20), కుమార్తె బుస్ర(20), బుస్ర కుమారుడు(3), బీహార్‌ చెందిన కార్మికులు శ్యామ్‌(22), శ్రీరామ్‌(20), వరంగల్‌ వాసి షకీల్‌గా పోలీసులు గుర్తించారు. 

నమూనాలను సేకరించిన ఫోరెన్సిక్‌ బృందం

గొర్రెకుంటలో మరోమారు నమూనాలను ఫోరెన్సిక్‌ బృందం సేకరించింది. గోనె సంచుల గోదాముతో పాటు బావి పరిసరాల్లో నమూనాలను సేకరించారు. ఫొరెన్సిక్‌ నివేదిక రావడానికి 10 రోజుల సమయం పడుతుందని ఫోరెన్సిక్‌ నిపుణులు రాజామాలిక్‌ పేర్కొన్నారు. విష ప్రయోగం జరిగిందనే కోణంలో ఆహార పదార్థాలను పరీక్షిస్తున్నామని తెలిపారు. మృతదేహాలపై గాయాలను గుర్తించామని రాజామాలిక్‌ చెప్పారు. ఘటనాస్థలిని అదనపు డీసీపీ వెంకటలక్ష్మి, టాస్క్‌ఫోర్స్‌ పోలీసులు పరిశీలించారు. గొర్రెకుంట ఘటనపై 6 బృందాలు దర్యాప్తు కొనసాగిస్తున్నాయని మమునూరు ఏసీపీ శ్యామ్‌సుందర్‌ తెలిపారు. అనేక కోణాల్లో కేసు దర్యాప్తు చేస్తున్నామని చెప్పారు. ఫోరెన్సిక్‌ నివేదిక ఆధారంగా కేసు దర్యాప్తు జరుగుతుందన్నారు.

- Advertisement -

Latest news

Related news

59 టాప్ చైనా యాప్‌ల‌పై శాశ్వత నిషేధం!

టిక్‌టాక్‌, ప‌బ్‌జీ, వీచాట్ స‌హా 59 టాప్ చైనా యాప్‌ల‌పై కేంద్ర ఎల‌క్ట్రానిక్స్, ఇన్ఫ‌ర్మేష‌న్ టెక్నాల‌జీ మంత్రిత్వ శాఖ‌ శాశ్వత నిషేధం విధించిన‌ట్లు సమాచారం. డేటా నిబంధనలు పాటించడం లేదని...

ఇద్దరు సీనియర్ అధికారులపై ఎస్ఈసీ బదిలీ వేటు

ఏపీ పంచాయతీ ఎన్నికల నిర్వహణ ప్రక్రియలో నిర్లక్ష్యం వహించిన పంచాయతీరాజ్‌ శాఖ అధికారులపై ఎస్‌ఈసీ నిమ్మగడ్డ రమేష్‌కుమార్‌ కొరడా ఝలిపించారు. సీనియర్‌ అధికారులు గోపాలకృష్ణ ద్వివేది, గిరిజా శంకర్‌పై బదిలీ...

లద్ధాఖ్‌లో రిపబ్లిక్ డే.. ఫోటోస్ చూశారా?

దేశవ్యాప్తంగా రిపబ్లిక్ డే వేడుకలు గ్రాండ్‌గా జరుగుతున్నాయి. ఢిల్లీలోని రాజ్‌పథ్‌లో పరేడ్ వేడుకలు అట్టహాసంగా జరుగుతున్నాయి. ఇదే టైంలో గడ్డ కట్టే మైనస్ డిగ్రీల చలిలో లద్ధాఖ్ లో కూడా...

మోదీ తలపాగా వెరీ స్పెషల్.. ఎవరిచ్చారంటే..

భారత 72వ గణతంత్ర దినోత్సవ వేడుకల్లో  ప్రధాని నరేంద్ర మోదీ ధరించిన తలపాగా(టర్బన్) అందర్నీ విశేషంగా ఆకర్షించింది. నేషనల్ వార్ మెమోరియల్ వద్ద అమరవీరులకు శ్రధ్ధాంజలి ఘటించే సమయంలోను.. ఆ...