24.7 C
Hyderabad
Sunday, July 5, 2020

బీజేపీకి రాజకీయాలు చేయడం తప్పా..ప్రజల సంక్షేమం పట్టదు

కరోనా వైరస్‌ పై మొదటి నుంచి కూడా తెలంగాణ రాష్ట్ర ప్రభుత్వం ఆలుపెరుగని పోరాటం చేస్తోంది. కేంద్రం నుంచి పూర్తి మద్దతు రాకపోయినప్పటికీ.. వైరస్‌ వ్యాప్తి చెందకుండా పకడ్బందీ చర్యలు చేపట్టింది. అయినప్పటికీ బీజేపీ నేతలు మాత్రం రాష్ట్ర ప్రభుత్వాన్ని బద్నాం చేస్తుండటంపై టీఆర్ఎస్‌ నేతలు ఫైర్‌ అయ్యారు. కరోనా కట్టడికి రాష్ట్ర ప్రభుత్వం తీసుకుంటున్న చర్యలను బీజేపీ అధ్యక్షుడు జేపీ నడ్డా విమర్శించడంపై మంత్రి ఈటెల రాజేందర్‌ తీవ్ర అభ్యంతరం వ్యక్తంచేశారు. బీజేపీ పాలనలోని గుజరాత్‌, ఉత్తరప్రదేశ్‌, మధ్యప్రదేశ్‌లో కరోనా విజృంభిస్తున్నదని, దానిని మరుగునపెట్టి తెలంగాణపై విమర్శలకు దిగుతున్నారని ధ్వజమెత్తారు. కరోనాను పట్టించుకోనిది కేంద్ర ప్రభుత్వమేనని అన్నారు. విదేశాల్లో కరోనా విజృంభిస్తున్నవేళ మన దేశంలో ముందుజాగ్రత్తచర్యలు తీసుకోకుండా, ఇతర రాష్ర్టాల్లోని ప్రభుత్వాలను కూల్చే కుట్రలను బీజేపీ నేతలు కొనసాగించారని విమర్శించారు.

దేశంలో కరోనా వ్యాప్తికి కేంద్రంలోని బీజేపీ ప్రభుత్వమే కారణమని ప్రభుత్వ విప్‌ భానుప్రసాద్‌, పెద్దపల్లి ఎంపీ వెంకటేశ్‌ ఆరోపించారు. డబ్ల్యూహెచ్‌వో హెచ్చరించినా కేంద్ర ప్రభుత్వం అంతర్జాతీయ రవాణాను నిలుపలేదని విమర్శించారు. కరోనా విషయంలో బీజేపీ జాతీయ అధ్యక్షుడు జేపీ నడ్డా, కేంద్రమంత్రి కిషన్‌రెడ్డి, రాష్ట్ర అధ్యక్షుడు బండి సంజయ్‌ మాటలు ఆశ్చర్యానికి గురిచేశాయన్నారు.  కరోనా మరణాల శాతం జాతీయ స్థాయిలో 3.26 శాతం ఉంటే.. తెలంగాణలో 2.26 శాతం ఉన్నదని చెప్పారు.  కరోనా కట్టడిలో కేసీఆర్‌కు వస్తున్న పేరును చూసి తట్టుకోలేకనే బీజేపీ నేతలు విమర్శలకు దిగుతున్నారన్నారు. బీజేపీ నేతలు ఇంతటి క్లిష్ట సమయంలోనూ రాజకీయాలు చేయడంపై ప్రజలు ఆగ్రహం వ్యక్తం చేస్తున్నారు. ఇప్పటికైనా తీరు మార్చుకోవాలని హెచ్చరిస్తున్నారు.

- Advertisement -

Latest news

కంటోన్మెట్‌ ప్రాంతంలో కూడా సంక్షేమ కార్యక్రమాలు

నగరంలోని కంటోన్మెంట్‌ భూములను ఆక్రమిస్తే కఠిన చర్యలు ఉంటాయని మంత్రి తలసాని శ్రీనివాస్‌ యాదవ్‌ హెచ్చరించారు. కంటోన్మెంట్‌ అభివృద్ధిపై సీఎం కేసీఆర్‌ ప్రత్యేక దృష్టి సారించారని చెప్పారు. మంత్రి మల్లారెడ్డితో...

Related news

కంటోన్మెట్‌ ప్రాంతంలో కూడా సంక్షేమ కార్యక్రమాలు

నగరంలోని కంటోన్మెంట్‌ భూములను ఆక్రమిస్తే కఠిన చర్యలు ఉంటాయని మంత్రి తలసాని శ్రీనివాస్‌ యాదవ్‌ హెచ్చరించారు. కంటోన్మెంట్‌ అభివృద్ధిపై సీఎం కేసీఆర్‌ ప్రత్యేక దృష్టి సారించారని చెప్పారు. మంత్రి మల్లారెడ్డితో...

రౌడీ షీటర్ వికాస్ దూబే ఇంటిని కూల్చివేసిన అధికారులు

ఉత్తరప్రదేశ్‌లో ఎనిమిది మంది పోలీసుల మృతికి కారణమైన రౌడీ షీటర్ వికాస్ దూబే ఇంటిని కూల్చివేశారు అధికారులు. కాన్పూర్‌లో నిన్న వికాస్ దూబే కోసం వెళ్లిన పోలీసులపై అతని గ్యాంగ్...

చైనాలో పర్యటించనున్న డబ్లూహెచ్‌వో బృందం

కరోనా వైరస్ ఎక్కడ పుట్టింది? ఎలా పుట్టిందనే వివరాలు తెలుసుకునేందుకు డబ్లూహెచ్‌వో బృందం రంగంలోకి దిగనుంది. వైరస్ తొలుత వెలుగుచూసిన చైనాలోని వుహాన్‌లో డబ్లూహెచ్‌వో టీం పర్యటించనుంది. వచ్చే వారంలో...

కరోనా వ్యాప్తిపై ప్రపంచ ఆరోగ్య సంస్థ కీలక ప్రకటన

ప్రపంచవ్యాప్తంగా ప్రకంపనలు రేపుతున్న కరోనా వ్యాప్తిపై వివరాలను అందించడంలో చైనా ఆలస్యం చేసిందనే వివాదం నేపథ్యంలో  డబ్ల్యూహెచ్ఓ కీలక ప్రకటన చేసింది. కోవిడ్‌ పై సమాచారం చైనాలోని ప్రపంచ ఆరోగ్య సంస్థ కార్యాలయమే తెలియజేసిందని...