27.7 C
Hyderabad
Thursday, July 2, 2020

మరో రెండు రోజుల పాటు భారీ వర్షాలు

తూర్పు మధ్య బంగాళాఖాతం దాని పరిసరప్రాంతాల్లో ఏర్పడిన అల్పపీడనం కొనసాగుతున్నది. దాని ప్రభావంతో రాష్ట్రంలో వచ్చే రెండురోజులపాటు పలుచోట్ల ఓ మోస్తరు నుంచి భారీ వానలు కురిసే అవకాశం ఉన్నట్లు హైదరాబాద్‌ వాతావరణ కేంద్రం అధికారులు తెలిపారు. ప్రధానంగా ములుగు, వరంగల్‌ రూరల్‌, వరంగల్‌ అర్బన్‌, యాదాద్రి భువనగిరి, భద్రాద్రి కొత్తగూడెం, ఖమ్మం, మహబూబాబాద్‌, సూర్యాపేట, నల్లగొండ, నాగర్‌కర్నూల్‌, వనపర్తి, జనగామ జిల్లాల్లో ఒకటి రెండుచోట్ల భారీ వర్షాలు, శుక్రవారం అతిభారీ వర్షాలు కురిసే అవకాశం ఉన్నదని పేర్కొన్నారు. అల్పపీడన ప్రభావంతో వాతావరణం వర్షాలకు అత్యంత అనుకూలంగా మారిందన్నారు. నైరుతి రుతుపవనాలు నిలకడగా విస్తరిస్తున్నాయని తెలిపారు. ప్రస్తుతం తమిళనాడులో చాలాప్రాంతాలు, కర్ణాటక, రాయలసీమలోని కొన్ని ప్రాంతాల్లో నైరుతి విస్తరించినట్టు వెల్లడించారు.   

అల్పపీడన ప్రభావంతో  రాష్ట్రంలోని పలు జిల్లా ల్లో వర్షం కురిసింది. ఈదురుగాలుల దాటికి  పలు ప్రాంతా ల్లో చెట్లు నేలకూలాయి. నిర్మల్‌ జిల్లా దస్తురాబాద్‌, ఆదిలాబాద్‌ జిల్లా జైనథ్‌, నార్నూర్‌, భీంపూర్‌ మండలాల్లోని పలు గ్రామాల్లో  భారీ వర్షం కురిసింది. మంచిర్యాల, కుమ్రం భీం ఆసిఫాబాద్‌ జిల్లాలో అక్కడక్కడా భారీ వర్షం కురిసింది. మందమర్రి సోమగూడెం రోడ్డులో చొప్పరిపల్లి సమీపంలో భారీ వృక్షం నేలకొరిగింది.  ఉమ్మడి నిజామాబాద్‌ , సిద్దిపేట జిల్లాల్లోని పలు మండలాల్లో భారీ వాన పడింది. మెదక్‌, సంగారెడ్డి పట్టణంలో ఓ మోస్తరు నుంచి భారీ వర్షం కురిసింది.

ఇకఖమ్మం జిల్లా ఎడతెరిపిలేని వర్షంతో తడిసి ముద్దవుతోంది. మధిర , సత్తుపల్లి నియోజకవర్గాల్లో పలు మండలాలలో భారీ వర్షం కురిసింది. ఎర్రుపాలెం , వేంసూరు , బోనకల్ తో పాటు పలు మండలాల్లో మోస్తరు వర్షం కురిసింది.  ఇల్లందు , భద్రాచలం , పాల్వంచలో మోస్తరు వర్షం కురిసింది.. గార్ల , బయ్యారం మండలాలో కూడా జోరు వాన పడింది . అటు నల్లగొండ జిల్లా కేంద్రంతో పాటు మునుగోడు, చండూరు, కనగల్‌, గుర్రంపోడు, సూర్యాపేట జిల్లాలోని మునగాల, నాగారం మండలాల్లో వర్షం కురిసింది. వరంగల్‌, హన్మకొండలో ఎడతెరిపిలేన వర్షంతో నగరం తడిసిముద్దయ్యింది. మహబూబాబాద్‌ జిల్లా గార్ల, బయ్యారం, కురవి మండలాల్లో వర్షం కురిసింది.

అటు  గ్రేటర్‌లో విస్తారంగా వర్షాలు కురుస్తున్నాయి.  రాగల మరో మూడు రోజులు గ్రేటర్‌లో ఓ మోస్తరు నుంచి భారీ వర్షాలు కురిసే అవకాశాలున్నట్లు హైదరాబాద్‌ వాతావరణ కేంద్రం అధికారులు వెల్లడించారు.  గ్రేటర్‌ పరిధిలోని అబ్దుల్లాపూర్‌మెట్‌లో అత్యధికంగా 7.8 సెంటీమీటర్లు, అత్యల్పంగా మైలార్‌దేవ్‌పల్లిలో 1.0 సెంటీమీటర్ల వర్షపాతం నమోదైనట్లు టీఎస్‌డీపీఎస్‌ అధికారులు వెల్లడించారు.

- Advertisement -

Latest news

బొగ్గు గనుల ప్రైవేటీకరణ నిర్ణయాన్ని కేంద్రం వెనక్కి తీసుకోవాలి

బొగ్గు గనుల ప్రైవేటీకరణ నిర్ణయాన్ని కేంద్రం వెనక్కి తీసుకోవాలని మాజీ ఎంపీ, తెలంగాణ బొగ్గు గని కార్మిక సంఘం గౌరవ అధ్యక్షురాలు కల్వకుంట్ల కవిత డిమాండ్‌ చేశారు. బొగ్గు గనుల...

Related news

బొగ్గు గనుల ప్రైవేటీకరణ నిర్ణయాన్ని కేంద్రం వెనక్కి తీసుకోవాలి

బొగ్గు గనుల ప్రైవేటీకరణ నిర్ణయాన్ని కేంద్రం వెనక్కి తీసుకోవాలని మాజీ ఎంపీ, తెలంగాణ బొగ్గు గని కార్మిక సంఘం గౌరవ అధ్యక్షురాలు కల్వకుంట్ల కవిత డిమాండ్‌ చేశారు. బొగ్గు గనుల...

అసోంలో భారీ వర్షాలు, 33మంది మృతి

అసోంలో భారీ వర్షాలు కురుస్తున్నాయి. ఎడతెరిపి లేకుండా కురుస్తున్న కుండపోతవానలతో నదులు ప్రమాదకరస్థాయిలో ప్రవహిస్తున్నాయి. వరదలు పోటెత్తడంతో ఇప్పటికే 33మంది మృతి చెందగా..తాజాగా బార్పేట జిల్లాలో ముగ్గురు, దుబ్రీ, నాగామ్,...

మెక్సికోలో దుండగుల కాల్పులు, 24 మంది మృతి

మెక్సికోలో దారుణం జరిగింది. దుండగులు జరిపిన కాల్పుల్లో 24 మంది ప్రాణాలు కోల్పోయారు. ఇరపాటోలోని డ్రగ్స్‌  డీ అడిక్షన్‌ కేంద్రంలో ఈ ఘటన చోటు చేసుకుంది. సెంటర్‌ లోకి చొరబడిన...

భారత్‌ లో 6 లక్షలు దాటిన కరోనా కేసులు

భారత్‌ లో కరోనా తీవ్రత అంతకంతకు పెరుగుతూనే ఉంది.గంటగంటకు పెరుగుతున్న కేసులతో ప్రజలు భయాందోళనకు గురవుతున్నారు. గడిచిన 24గంటల్లో దేశంలో కొత్తగా 19వేల148 మంది కరోనా బారిన పడగా.. మొత్తం...