29.8 C
Hyderabad
Tuesday, January 26, 2021

శ్రీశైలం 3 గేట్లు ఎత్తి దిగువకు నీటివిడుదల

ఎగువన కురుస్తున్న భారీ వర్షాలకు ఈ సీజన్లో మొదటిసారిగా శ్రీశైలం ప్రాజెక్టు గేట్లు తెరుచుకున్నాయి. ఐదారురోజులుగా ఆల్మట్టికి భారీ ఇన్‌ఫ్లో వస్తుండటం.. అప్పటికే కర్ణాటకలోని ఆల్మట్టి, నారాయణపూర్ జలాశయాలు 75 శాతానికి పైగా నిండి ఉండటంతో వరదంతా దిగువన ఉన్న తెలుగు రాష్ట్రాల పరిధిలోకి వస్తుంది. కర్ణాటకలోని జలాశయాల నుంచి సరాసరి 2.50 లక్షల క్యూసెక్కుల వరద వచ్చింది. ఈ క్రమంలో జూరాల నుంచి కూడా ఇంత కంటే ఎక్కువ ఔట్ ఫ్లో నమోదవుతుండటం.. తుంగభద్ర డ్యాం కూడా నిండుకుండలా మారి దిగువకు 60 వేల నుంచి 70 వేల క్యూసెక్కులు వదులుతుండటంతో కృష్ణమ్మ ఉధృతి గంట గంటకూ పెరుగుతున్నది.             

మంగళవారం రాత్రి వరకు 2.60 లక్షల క్యూసెక్కులకు పైగా ఉన్న శ్రీశైలం ఇన్ ఫ్లో  బుధవారం సాయంత్రానికి 3.60 లక్షల క్యూసెక్కులకు చేరింది.  ఈ నేపథ్యంలో ఏపీ అధికారులు ప్రాజెక్టు 3 గేట్లు ఎత్తి స్పిల్‌వే మీదుగా 79, 131 క్యూసెక్కులను నదిలోకి విడుదల చేస్తున్నారు. అప్పటికే ఎడమ గట్టు విద్యుత్ కేంద్రంలో కరెంటు ఉత్పత్తి ద్వారా తెలంగాణ 40,259 క్యూసెక్కులు, కుడి గట్టులో ఏపీ 31,062 క్యూసె క్కులను దిగువకు వదులుతున్నాయి. ఇలా లక్షా 50 వేల క్యూసెక్కుల కృష్ణాజలాలు శ్రీశైలం నుంచి నాగార్జునసాగర్‌కు చేరు కుంటున్నాయి.                    

అటు నాగార్జున సాగర్‌లో నీటి నిల్వ 261 టీఎంసీలు దాటింది. సాగర్ పూర్తిస్థాయి నిల్వ సామర్థ్యం 312.05 టీఎంసీలు కావడంతో పూర్తిస్థాయికి మరో 60 టీఎంసీలకుపైగా జలాలు రావాల్సి ఉన్నది. ఈ స్థాయిలో వరద కొనసాగినా రోజుకు 10 టీఎంసీల చొప్పున ఐదు రోజుల్లో నిండుకుండలా మారనున్నదని అధికారులు స్పష్టంచేస్తున్నారు. ఈ నీటి సంవత్సరంలో బుధవారం ఉదయం వరకు దాదాపు 300 టీఎంసీల వరకు కృష్ణాజలాలు వచ్చినట్టు అధికారులు అంచనా వేస్తున్నారు.           

- Advertisement -

Latest news

Related news

కొత్త ఐడియాస్ కోసం ఏం చేయాలి?

కొత్తొక వింత.. పాతొక రోత అంటారు. ఎప్పటికప్పుడు క్రియేటివ్‌గా ఉండాలని, మరింత కొత్తగా ఆలోచించాలని అందరూ అనుకుంటూనే ఉంటారు. జీవితంలో ఏ విషయంలోనైనా సక్సెస్ అవ్వాలంటే ముందుగా ఉండాల్సింది కొత్తగా...

వ్యాక్సిన్ పై 62 శాతం మంది విముఖత

కోవిడ్‌‌-19 వ్యాక్సిన్‌ తీసుకునేందుకు జనం ఇంకా భయపడుతున్నారు. దాదాపు 62 శాతం మంది ప్రజలు వ్యాక్సిన్ తీసుకునేందుకు విముఖత చూపుతున్నట్లు లోకల్‌సర్కిల్స్‌ చేపట్టిన సర్వే తేల్చింది. అయితే వ్యాక్సిన్ పై...

బ్లూ రైస్‌తో బోలెడు లాభాలు

అన్నం తినడం వల్ల ఆకలి తీరడమే కాదు, అందంగా కూడా మారొచ్చన్న సంగతి తెలుసా.. అయితే అది మనం తినే రెగ్యలర్ వైట్ రైస్ కాదు. ప్రత్యేకంగా చేసే బ్లూ...

ఇద్దరు విలన్లతో బాలయ్య భారీ యాక్షన్.. విలన్స్ ఎవరంటే..

బాలకృష్ణ, బోయపాటి కాంబోలో సినిమా అంటే మామూలుగా ఉండదు. అందులోనూ హై ఓల్టేజ్ యాక్షన్ సినిమా అని టీజర్ చూస్తే తెలుస్తుంది. ఇప్పుడు ఈ సినిమా షూటింగ్ శరవేగంగా జరుగుతోంది....