27.3 C
Hyderabad
Tuesday, November 24, 2020

28న పీవీ శత జయంతిని ఘనంగా నిర్వహించాలి

మాజీ ప్రధాని పివి నర్సింహారావు శత జయంతి ఉత్సవాలను ఘనంగా నిర్వహించేందుకు ప్రభుత్వం అన్ని చర్యలు తీసుకుంటున్నది. ప్రపంచవ్యాప్తంగా పీవీ శత జయంతి వేడుకలు నిర్వహించేలా 51 దేశాల్లోని ఎన్నారైలతో మంత్రి కేటీఆర్ సమావేశమయ్యారు. తెలంగాణ ప్రభుత్వం ఏర్పడిననాటి నుంచే రాష్ట్ర అస్థిత్త్వానికి అండగా నిలిచిన మహనీయుల సేవలను స్మరించుకోవడంలో ముందు వరుసలో ఉన్నదన్నారు. ఈ మేరకు పార్టీలకతీతంగా పివి నర్సింహారావు, ఈశ్వరీబాయి, వెంకటస్వామి లాంటివారి సేవలను స్మరించుకుంటూ వారి జయంతులను అధికారికంగా జరిపేలా సీఎం కేసీఆర్ అదేశాలిచ్చారన్నారు. జయశంకర్ సార్ తో పాటు, పివి నర్సింహారావు, కొమ్రంభీం వంటి మహనీయుల పేర్లను యూనివర్సీటీలు, జిల్లాలకు పెట్టి స్మరించుకుంటున్నామన్నారు మంత్రి కేటీఆర్.

తెలుగు ప్రజల ఖ్యాతిని ఖండాంతారాలకు తెలిసేలా చేసిన మహనీయుడు పీవీ నర్సింహారావు అని మంత్రి కేటీఆర్ కొనియాడారు. కానీ ఆయనకు రావాల్సిన పేరు రాలేదని ఆవేదన వ్యక్తం చేశారు. పీవీకి భారతరత్న దక్కాల్సిన అవసరం ఉన్నదన్నారు. ఈమేరకు ప్రధానిని స్వయంగా కలిసి విజ్ఞప్తి చేస్తామన్న సీఎం కేసీఆర్ మాటలను మంత్రి కేటీఆర్ గుర్తు చేశారు. స్వాతంత్ర్య సమర యోధుడిగా, రాజకీయ నాయకునిగా, ప్రధానిగా అధ్భుతమైన సేవలందించిన మహనీయుడి జయంతిని సంవత్సరంపాటు జరిపేందుకు ప్రభుత్వం నిర్ణయించిందని చెప్పారు. పీవీ శతజయంతి ఉత్సవాల కమిటీ సభ్యునిగా ఎన్ఆర్ఐ కోఆర్డినేటర్ మహేష్ బిగాలను నియమిస్తున్నట్లు మంత్రి కేటీఆర్ తెలిపారు. ఏన్నారైలు అందరూ పీవీ శత జయంతి ఉత్సవాల్లో పాల్గోనాలని పిలుపునిచ్చారు. తెలంగాణ సంఘాలతో పాటు తెలుగు సంఘాలతోనూ సమన్వయం చేసుకొని ఈ ఉత్సవాలను నిర్వహించాలన్నారు. అన్ని దేశాల్లోని తెలుగువారందరినీ కలుపుకొని పీవీ జయంతి ఉత్సవాలు జరుపుకోవాలని చెప్పారు.

28న జరిగే పీవీ శతజయంతి ఉత్సవాల సందర్భంగా మంత్రి కేటీఆర్ నెక్లేస్ రోడ్ లోని జ్ఞానభూమిని సందర్శించారు. జీహెచ్‌ఎంసీ మేయర్, పురపాలక శాఖ ముఖ్య కార్యదర్శిలతో కలిసి పనులను పరిశీలించారు. పీవీ శత జయంతి ఉత్సవాల ఏర్పాట్లు ఘనంగా ఉండాలని అధికారులను మంత్రి కేటీఆర్ ఆదేశించారు.   

- Advertisement -

Latest news

Related news

హైదరాబాద్‌ ని దేశంలోనే సేఫెస్ట్‌ సిటీగా తీర్చిదిద్దం

హైదరాబాద్‌లో పటిష్టమైన శాంతి భద్రతలు ఉన్నాయని మంత్రి కేటీఆర్‌ చెప్పారు. హైదరాబాద్‌ మహానగరాన్ని దేశంలోనే సేఫెస్ట్‌ సిటీగా తీర్చిదిద్దుతున్నామన్నారు. ఈ మేరకు దేశంలో ఉన్న...

దక్షిణ భారతదేశంలోనే తొలి వేస్ట్‌ ఎనర్జీ ప్లాంట్‌ను ఏర్పాటు చేసినం

ప్రధాని నరేంద్ర మోదీ కంటే ముందుగానే సీఎం కేసీఆర్‌ స్వచ్ఛ్‌ హైదరాబాద్‌ కార్యక్రమాన్ని చేపట్టారని మంత్రి కేటీఆర్‌ తెలిపారు. పారిశుధ్య నిర్వాహణలో హైదరాబాద్‌ దేశంలోనే ముందుందన్నారు . జీహెచ్‌ఎంసీ పరిధిలో...

ఆరేండ్లలో తెలంగాణ ఎంతో అభివృద్ధి చెందింది- మంత్రి కేటీఆర్

ఆరేండ్లలో తెలంగాణ ఎంతో అభివృద్ధి చెందిందని అన్నారు మంత్రి కేటీఆర్. స్వరాష్ట్రం ఏర్పడక ముందు హైదరాబాద్ లో ఉన్న అనిశ్చిత వాతావరణం ఇప్పుడు లేదని...

నష్టాలతో ప్రారంభమైన స్టాక్ మార్కెట్లు

దేశీయ మార్కెట్లు నష్టాలతో ప్రారంభమయ్యాయి. గురువారం ఉదయం. ఉదయం 9.30 సమయంలో సెన్సెక్స్‌ 156 పాయింట్లు కోల్పోయి 44,023 వద్ద కొనసాగుతోంది. నిఫ్టీ 37 పాయింట్ల నష్టంతో 12,900 వద్ద...