కూకట్‌పల్లిలో పరుగులు తీసిన జనం.. ఎందుకంటే?

హైదరాబాద్‌ కూకట్‌పల్లిలో భూప్రకంపనలు స్థానికులను భయాందోళనకు గురిచేశాయి. భయంతో జనాలు పరుగులు తీశారు. స్థానిక అస్బెస్టాస్ కాలనీలో ఈరోజు ఉదయం 9.30 గంటల ప్రాంతంలో పెద్ద శబ్దంతో భూమి కంపించిది. రెండు, మూడు సెకన్ల పాటు భూమి కంపించినట్లు, ఈ సమయంలో భూమిలోపల నుంచి భారీ శబ్ధాలు వచ్చినట్టు స్థానికులు చెప్పారు. గతంలో హైదరాబాద్ లో భారీ వర్షాలు కురిసినప్పుడు బోరబండ ఏరియాలో భూ ప్రకంపనలు కొన్ని రోజుల పాటు అక్కడి ప్రజలకు కంటిపై కునుకులేకుండా చేసిన విషయం తెలిసిందే.