18.8 C
Hyderabad
Saturday, January 16, 2021

సంక్షేమ పథకాలతో ప్రజల నమ్మకాన్ని కూడగట్టుకున్న తెరాస పాలన

టీఆర్ఎస్ ప్రభుత్వం రెండోసారి అధికారంలోకి వచ్చి సరిగ్గా రెండేండ్లు పూర్తయినయి. తొలి విడత నాలుగున్నరేండ్ల పాలనలో అభివృద్ధి, సంక్షేమ పథకాలతో జనరంజక పాలన అందించిన టీఆర్ఎస్ ప్రభుత్వం వరుసగా రెండోసారి కూడా ప్రజల అభిమానాన్ని చూరగొంది. తెలంగాణ ప్రజల నమ్మకాన్ని, కలల్ని నిజం చేస్తూ టీఆర్‌ఎస్‌ 2.0 ప్రభుత్వంలో సంక్షేమం రెండింతలయింది. కరోనా లాంటి విపత్కర పరిస్థితుల్లో కూడా సంక్షేమ పథకాల అమలును ఆపలేదు. దీనికి తోడు.. ప్రజలు ఇబ్బందులు పడకుండా కరువు సాయం, ఉచిత బియ్యం పంపిణీ చేసి ప్రజలకు అండగా నిలబడింది.

ప్రజా సంక్షేమమే ధ్యేయంగా సర్కారు చేపట్టిన సంస్కరణలు రాష్ట్రంలో అభివృద్ధిని కొత్త పుంతలు తొక్కించాయి. టీఆర్ఎస్ ప్రభుత్వం రెండేళ్ల పాలనలో ప్రతిరంగంలో అద్భుతమైన ప్రగతి కనబరుస్తూ.. అభివృద్ధి మైలురాళ్లు నాటుతూ ముందుకు సాగింది. వ్యవసాయంలో నియంత్రిత సాగు, నూతన రెవెన్యూ చట్టం, ధరణి పోర్టల్‌, పారదర్శకంగా వ్యవసాయేతర ఆస్తుల రిజిస్ట్రేషన్‌, కాళేశ్వరం ప్రాజెక్టు ప్రారంభం, జిల్లాల్లో ఐటీ వెలుగులు, ఆర్టీసీలో కార్గో సేవలు, మిషన్‌ భగీరథతో 95శాతం ఇండ్లకు తాగునీటి సరఫరా వంటి ఎన్నో అభివృద్ధి పనులు అద్భుతమైన ఫలితాలనిచ్చాయి.

దీనికి తోడు రాష్ట్రంలో ఐటీ రంగం కొత్త పుంతలు తొక్కింది. హైదరాబాద్ కేంద్రంగా దేశంలోనే టాప్‌లో ఉన్న ఐటీ సెక్టార్ ను జిల్లాలకు విస్తరించేందుకు ప్రభుత్వం ప్రణాళిక రూపొందించి అమలు చేస్తున్నది. దీంతో ప్రముఖ ఐటీ దిగ్గజ కంపెనీలు పల్లెల బాట పట్టాయి. హైదరాబాద్ తర్వాత వరంగల్‌లో ఐటీ విస్తరించగా.. తాజాగా ఖమ్మంలోనూ ఐటీ రంగం అడుగు పెట్టింది. మహబూబ్‌నగర్‌, నిజామాబాద్‌ జిల్లాల్లో సైతం ఐటీ టవర్ల నిర్మాణం శరవేగంగా పూర్తవుతున్నది. తాజాగా సిద్దిపేట జిల్లాలోనూ సీఎం కేసీఆర్ ఐటీ టవర్‌కు బీజం వేశారు.

 మరోవైపు రాష్ట్రంలో ఐటీ ఎగుమతులు జాతీయ సగటును మించాయి. కరోనా సమయంలో జాతీయస్థాయిలో ఐటీ వృద్ధిరేటు 8.09 శాతం ఉండగా, తెలంగాణలో 17 శాతం నమోదైంది. లుక్‌ ఈస్ట్‌ విధానాన్ని అమలు చేస్తుండటంతో హైదరాబాద్‌ నలువైపులా ఐటీ విస్తరిస్తున్నది. కాగా, అమెజాన్‌ సంస్థ ప్రపంచంలోనే అతిపెద్ద ప్రాంగణాన్ని హైదరాబాద్‌లో ఏర్పాటు చేస్తుండటం విశేషం.

- Advertisement -

Latest news

Related news

రిస్క్ చేయొద్దు..

భారత్‌ ఓపికకు పరీక్ష పెట్టి రిస్క్ చేయొద్దని ఆర్మీ చీఫ్‌ జనరల్‌ ఎంఎం నరవణె శత్రు దేశాలను హెచ్చరించారు. నార్త్ బోర్డర్ లో జరుగుతున్న కుట్రను సమర్ధవంతంగా తిప్పికొట్టామని అన్నారు....

వాట్సాప్ వెబ్ వాడితే అంతే..

వాట్సాప్ ప్రైవసీ పాలసీ ఇష్యూలో ఇంకా క్లారిటీ రాకముందే మరో కలకలం రేగింది. గూగుల్ సెర్చ్‌లో వాట్సాప్ వెబ్ యూజర్ల పర్సనల్ నంబర్లు కనపిస్తున్నాయి. ఈ విషయాన్ని ఇండిపెండెంట్ సైబర్...

టీకా ఎవరికి వద్దంటే…

ఈ రోజు నుంచి దేశవ్యాప్తంగా కొవిడ్‌ వ్యాక్సిన్ ప్రోగ్రామ్ మొదలుకానుంది. అయితే వ్యాక్సిన్‌కు సంబంధించి ఎలాంటి జాగ్రత్తలు తీసుకోవాలో కేంద్ర ఆరోగ్య శాఖ అన్ని రాష్ట్రాలకు, కేంద్ర పాలిత...

స‌మ్మర్ స్పెష‌ల్‌గా రానున్న నార‌ప్ప ‌

శ్రీకాంత్ అడ్డాల దర్శకత్వంలో తెరకెక్కుతున్ననారప్ప సినిమా సమ్మర్ లో తెలుగు ప్రేక్షకులకు స్పెషల్ ట్రీట్ ఇవ్వనున్నది. వెరైటీ పాత్రలు ఎంచుకొని.. ప్రయోగాలు చేయడంలో ముందుండే విక్టరీ వెంకటేశ్, ప్రియమణిలు జోడీగా...