26 C
Hyderabad
Wednesday, January 27, 2021

నాలుక అదుపులో పెట్టుకొని మాట్లాడు : బండి సంజయ్ కి ఎమ్మెల్యే బాల్క సుమన్ హెచ్చరిక

సీఎం కేసీఆర్ గురించి మాట్లాడేటప్పుడు నోరు అదుపులో పెట్టుకొని మాట్లాడాలని బీజేపీ రాష్ట్ర అధ్యక్షుడు, కరీంనగర్ ఎంపీ బండి సంజయ్ ని టీఆర్ఎస్ ఎమ్మెల్యే బాల్క సుమన్ హెచ్చరించారు. ప్రధాని మోదీని సీఎం కేసీఆర్ కలవడం ఇప్పుడు కొత్త కాదు. తెలంగాణ ఏర్పడినప్పటి నుంచి పలు సందర్భాల్లో ఆయన మోదీని కలుస్తూనే ఉన్నారని గుర్తు చేశారు. రాష్ట్రానికి కేంద్రం నుంచి రావాల్సిన బకాయిలు, రాష్ట్రానికి సంబంధించిన ప్రాజెక్టులకు జాతీయ హోదా కల్పించడం వంటి పలు అంశాలపై చర్చించారని గుర్తు చేశారు.

ఇటీవల జరిగిన పర్యటన కూడా రాష్ట్రానికి సంబంధించిన సమస్యలపైనే అని బాల్క సుమన్ స్పష్టం చేశారు. కేంద్ర, రాష్ట్ర ప్రభుత్వాల మధ్య అనేక సంబంధాలుంటాయని.. వాటిలో భాగంగానే సీఎం కేసీఆర్ ఢిల్లీ వెళ్లారని ఆయన తెలిపారు. కనీసం ఈ విషయం కూడా సోయి లేకుండా ఎంపీ బండి సంజయ్  ఇష్టమొచ్చినట్టు మాట్లాడుతున్నాడని ఆగ్రహం వ్యక్తం చేశారు. ప్రజలకు వాస్తవాలు చెప్పాల్సిన అవసరం ఉందన్నారు. నాలుగు దశాబ్దాల ఆయన రాజకీయ జీవితంలో ఎన్నో రకాల పదవులు అనుభవించిన వ్యక్తి కేసీఆర్ అని.. ఆయన గురించి మాట్లాడే ముందు బండి సజయ్ ఆచితూచి మాట్లాడాలని.. స్థాయి లేని వారంతా కేసీఆర్ గురించి మాట్లాడటం సరికాదని ఆగ్రహం వ్యక్తం చేశారు.

కొత్త బిచ్చగాడు పొద్దు ఎరగనట్టు బండి సంజయ్ ఎగిరెగిరి పడుతూ.. అర్ధరహితంగా మాట్లాడుతున్నారని ఎద్దేవా చేశారు. టీఆర్ఎస్ పార్టీ నాయ‌క‌త్వం, కేసీఆర్ గురించి మాట్లాడే ముందు అవ‌గాహ‌న పెంచుకొని మాట్లాడాల‌ని సూచించారు. లేని ప‌క్షంలో తెలంగాణ ప్రజలే బుద్ధి చెప్తార‌న్నారు. రాజ్యాంగ బ‌ద్ధ వ్యవ‌స్థల‌ మీద అవ‌గాహ‌న పెంచుకోవాలని ఎమ్మెల్యే సుమన్ బండి సంజయ్ కి హితవు పలికారు.

- Advertisement -

Latest news

Related news

ఐపీఎల్ 2021 వేలం వేదిక ఫిక్స్

ఐపీఎల్-2021 సీజన్ కు సంబంధించి బీసీసీఐ వేలాన్ని చైన్నైలో నిర్వహించేందుకు సిద్ధమైంది. ఫిబ్రవరి 18న ఆటగాళ్ల వేలం ఉంటుందని బీసీసీఐ ట్విట్టర్లో ప్రకటించింది. జనవరి 20తో ఆటగాళ్ల రిటెన్షన్ గడువు...

భూమా కోట బద్దలు.. అఖిలప్రియకు మరో ఎదురుదెబ్బ

పాతికేళ్ల నుంచి కొనసాగుతున్న భూమా కుటుంబ ఆధిపత్యానికి గట్టి ఎదురుదెబ్బ తగిలింది. కర్నూలు విజయ డైరీ ఎన్నికల్లో ఇన్నేళ్లుగాకాపాడుకుంటున్న ఛైర్మన్‌ పదవి చేజారిపోయింది. 25 ఏళ్ల తర్వాత జరిగిన ఎన్నికల్లో...

త్రివర్ణ హైదరాబాద్

72వ గణతంత్ర దినోత్సం వేళ హైదరాబాద్ నగరంలోని ప్రముఖ చారిత్రక భవనాలు త్రివర్ణ లైటింగ్ తో దేదీప్యమానంగా వెలిగిపోయాయి. వీటి వెలుగులను ఒకే ఫ్రెమ్ లో బంధించేందుకు డ్రోన్ కెమెరాలతో...

సీఎం గొప్ప లౌకికవాది.. మంత్రులు

సీఎం కేసీఆర్ గొప్ప లౌకికవాది, అన్ని మతాలను సమానంగా గౌరవం ఇస్తారని మంత్రులు కొప్పుల ఈశ్వర్, మహమూద్ అలీ, తలసాని శ్రీనివాస్ యాదవ్ అన్నారు. కొత్త సచివాలయంలో ప్రార్థనా మందిరాలను...